قماشه ♡

يوم قررت اسوي فيديو بصوتي صار فيديو يوتيوب من طوله 😭 . . المقادير: الكيك: ثلاثة ارباع كوب سكر كوب طحين ثلث كوب كاكاو بودرة ثلاثة ارباع ملعقة شاي بيكنج باودر ثلاثة ارباع ملعقة شاي بيكنج صودا رشة ملح بيضة ربع كوب زيت نص كوب حليب نص ملعقة طعام نسكافيه مذوبة بنص كوب ماء مغلي في وعاء راح نضيف كل المكونات الجافة (الطحين والكاكاو والسكر والبيكنغ باودر والبيكنغ صودا والملح) ونخلطهم و نسوي حفرة بالنص و نضيف المواد السائلة ما عدا الماي. (الحليب والزيت والبيض والفانيلا). و نخلط بيتكون معانا خليط ثقيل و نضيف الماي المغلي ونخلط. نقسم الخليط على الاطباق المجهزة ونخبزه بحرارة ٣٥٠ف او ١٨٠ درجة مئوية لمدة ٢٨ دقيقة او الى مايستوي . الجاناش: كوبين تشوكلت كوب كريمة خفق نضيفهم على بعض ونحطهم بالمايكرويف دقيقة. وبعدها نحركه ونرجعه دقيقة ثانية ونطلعه نحركه ماتذوب التشوكلت و يتجانس. نترك الجاناش يبرد بالثلاجة ساعة إلى ساعتين . بعد مايبرد نخفقه الى مايصير لونه افتح وقوامه كريمي.

احب أقولكم انه لذيذ بشكل 🤤🤤 نفس الطعم اللي متخيلته الحشوة كريمية ومقرمش من برا يمييي الحشوة: قطعت كرات ستيكس وبصل اخضر واضفت صويا صوص وزيت سمسم (ما كان عندي حطيت صوص سمسم) وثوم بودرة وملح وفلفل ابيضّ وشوية سكر وجبن كريمي وخلطتهم . الحشوة طعمها مره لذيذ جربوها

Replying to @NoOony..🇸🇦🤍 التثبيت بالمزاز طريقة معروفة للكيكات الرفيعه وعادي تشيلونه وقت الاكل بكل سهوله

أسم الموقع sazen tea , الحماس مليووون😍 الطلبية مو لي لحالي طبعاً، افضل شي إذا بتطلبون منهم جمعوا طلباتكم أنتوا واللي تعرفونهم عشان يطلع عليكم الشحن مجاني 👀

بسبوسة التشوكلت😋 المقادير: ٣ بيضات علبة قشطة فانيلا ثلاثة أرباع كوب زيت ملعقة نسكافيه مذوبة بشوية ماي كوب سميد كوب جوز هند ثلاثة ارباع كوب سكر ملعقتين طعام كاكاو بودرة ملعقة صغيرة مليانه بيكنق باودر للتغطية: ثلاثة ارباع علبة حليب مكثف محلى جالكسي مبشور الطريقة: نسخن الفرن على حرارة ٣٥٠ف ونجهز طبق ٨ إنش نخلط المقادير السائلة مع بعض وبعضها نضيف باقي المقادير الجافة ونخلط إلى مايتجانس ونصب الخليط بالطبق . ونخبزه لمدة ٢٥-٣٥ دقيقة إلى مايستوي اول مايطلع من الفرن نصب الحليب المكثف ونسوي فتحات بعود خشب عشن يتشربه ونتركه يبرد. بعد مايبرد نبشر جالكسي ع الوجه ونقطعه وبالعافيه

احب التنوع باختيار الأصوات….

بدأ يرجع شغف المخبوزات 🥹 + هذا مو ساور دو المقادير: 500 جرام طحين (4 اكواب) ملعقتين شاي ملح ملعقتين شاي خميرة فورية 625 جرام ماء ( كوبين ونص) نخلط المقادير وبس تتجانس ما يحتاج عجن نغطيها ونتركها تتخمر لمدة ٣ ساعات بحرارة الغرفة إذا بتخبزونها بنفس الوقت او ساعة بحرارة الغرفة بعدين ندخلها الثلاجة طول الليل . بعد ما تتخمر نسخن الفرن على ٤٥٠ ف ونحط قدر Dutch oven او اي قدر ثقيل داخل الفرن يسخن. ترش السطح بطحين وننزل العجينة (ونرش طحين حسب الحاجة ) بدون ما نعجنها بس نشكلها على شكل كورة ونحطها بورق الزبده ونرجعها ونغطيها ونتركها نص ساعة. بعد ماسخن الفرن والقدر ننقل ونحطها بالقدر ونغطيها ونخبزها مع الغطاء لمده ٣٠دقيقة بعدها نشيل الغطاء ونخبزها لمده ١٥ دقيقة او الى ما تتحمر. وبالعافيه

يمييي بشكل مو طبيعي. وخفت تكون ثقيله لكنها ما تغث ابد🤤🤤 الدجاج: نقطع إلى شريحتين ضعيفه نغمسها بخليط الطحين(طحين ملح وفلفل اسود) وبعدها البيض(بيضة وملح وفلفل اسود) وبعدها خليط البقسماط (بقسماط بانكو او عادي مع ثوم بودره وبارميزان وبقدونس) ونقليها بزيت مو غزير إلى ما تتحمر من الجهتين ونتأكد انها استوت خلوا الحرارة خفيفه عشان ما تتحمر وهي ما استوت. نشيلها من ع النار ونتركها ع الجنب. الخبز؛ ندهن الخبز بخليط الزبدة (زبدة وزيت زيتون وثوم بودره وبارميزان وبقدونس) من الجهتين ونحمصها لين يصير ذهبي. الخس: نخلط خس مقطع مع صلصة سيزر جاهزه وانا خلطتها مع رانش بس تقدرون تستغنون عنه. خطوا كل شي فوق بعض وبالعافيه

ريحة السيرب رطب واضحة متحمسة اجربه، الفيديو الجاي تجربة مع الماتشا 👀 ١٠ حبات رطب مهمد(خلاص) ربع كوب سكر بني نص كوب ماء شيلوا النوى وأضيفوا السكر والماء واطبخوها لمدة ١٠ دقايق على نار متوسطة واهرسوا الرطب مع الطبخ شوي . بعدها صفوها وحطوها بعلبة واستعملوها مع مشروباتكم .

الادمان مشكلة👀

هو صج مفروض كيفكم لكن كل شوي يطلع فيديو يقولون ألفريدو واستفزني الموضوع الفريدو هذا للباستا 🥲 حتى رحت اسأل chat gpt اتأكد

سيروب السكر البني: في قدر نضيف كوب سكر بني وكوب ماء (بالنسبة لشراب الذرة هذا ابداً مو ضروري إذا ما عندكم لا تضيفونه بس أنا كان موجود عندي فأضفت ربع كوب بس ) وتقدرون تضيفون اي نكهة انتوا حابينها (فانيلا- قرفة) بس أنا ما افضل النكهات بالماتشا فخليتها سادة ونحطها على نار متوسطة ونحرك إلى ما تغلي لمدة ١٠- ١٥ دقيقة تقريباً ونشيلها نتركها تبرد تماماً قبل نحطها بالعلبة. تحفظ بالثلاجة وتقدرون تستخدمونها مع الماتشا او القهوه او اي مشروب.

هذا الذ شي ممكن تسوونه طعم التفاح مع الدونات الطرية شي موطبيعييي🥹🥹 Apple fritters دونات العجينة: ثلثين كوب حليب سائل دافئ ملعقتين وربع شاي خميرة ١/٣ ثلث كوب سكر ٣ بيضات ٣ أكواب ونص دقيق رشة ملح نص كوب زبدة بحرارة الغرفة (أصبع ١٠٠جم) زيت للقلي الحشوة: ٣ تفاحات مقطعة مكعبات متوسطة الحجم ربع كوب سكر بني عصرة ليمون ملعقتين شاي قرفة ملعقة طعام نشا مذوبة بربع كوب ماء التغطية: كوبين سكر بودرة ربع كوب حليب (قابل للزيادة) الطريقة : في العجانة نضيف الحليب والخميرة والسكر والبيض ويخلطون حتى يمتزجون يضاف الدقيق والملح وتعجن ومباشرة نبدأ بإضافة الزبدة بالتدريج ونترك العجينة تعجن ٥-٧ دقايق حتى تتكون عجينة ملساء ولينة تغطى العجينة وتترك لترتاح حتى تتضاعف (ساعه تقريبًا) الحشوة: على نار متوسطة نطبخ التفاح والسكر والقرفة ونحركه الى مايبدأ يذوب التفاح شوي ونضيف النشا ونحرك إلى مايثقل وتنشف السوائل نشيله ونتركها تبرد. بعد ما اختمرت العجينة تفرد على السطح على شكل مستطيل ونضيف نص الحشوة في النص ونرش فوقها طحين ونطوي الجزء الاول من العجينة عليها ونضيف باقي الحشوة ونرش طحين ونطوي الحزء الثاني عليها ونرص الحشوة بالفرادة شوي وتقطع وتشكل بشكل عشوائي او حسب الرغبة ومن ثم توضع في صينية وتترك لترتاح مره أخرى لمدة ١٥-٢٠ دقيقه يحمى زيت في قدر غزير ونبدأ نقلي الدونات حوالي ٥ دقايق لكل جهة او الى ان تصبح ذهبية اللون نخلط مقادير التغطية والقوام حسب الرغب تقدرون تخففون او تثقلونه ونغمس حبات الدونات ونحطها ع الشبك بعد ماينشف القليز تقدم وبالعافية